იუსტიციის სახლი ერთ-ერთი მედიასაშუალებით გავრცელებული ყალბი ინფორმაციის შესახებ განცხადებას ავრცელებს

Thursday, 30 July 2020

მედიასაშუალება „ტაბულა.ჯი“-ს მიერ 2020 წლის 28 ივლისს გავრცელდა ინფორმაცია, რომელიც თითქოსდა იუსტიციის სახლში შშმ პირ მარიამ მიქიაშვილის მიმართ „ღირსებისშემლახავ პროცედურას“ აღწერდა და თითქოსდა „უსინათლო ქალს, რომელიც წერს, იუსტიციის სახლში უმტკიცებდნენ, რომ წერა არ იცის“ (იხ. ბმული: http://www.tabula.ge/ge/story/175690-usinatlo-qals-romelic-tsers-iusticiis-saxlshi-umtkicebdnen-rom-tsera-ar-icis)

იუსტიციის სახლსა და საზოგადოებრივ ცენტრში მომსახურება განახლებული პრინციპით - წინასწარი დაჯავშნის სისტემით გრძელდება

Tuesday, 28 July 2020

იუსტიციის სახლსა და საზოგადოებრივ ცენტრში მომსახურება განახლებული პრინციპით - წინასწარი დაჯავშნის სისტემით გრძელდება. თბილისის, ქუთაისისა და ბათუმის იუსტიციის სახლები მომხმარებელს ორშაბათიდან - პარასკევის ჩათვლით დილის 09:00-დან - ღამის 12 საათამდე ემსახურებიან. სხვა ფილიალებში კი მომსახურების მიღება დილის 09:00-დან - საღამოს 18:00 საათამდეა შესაძლებელი

თბილისის, ქუთაისისა და ბათუმის იუსტიციის სახლები მომხმარებელს ღამის 12 საათამდე მიიღებენ

Monday, 01 June 2020

1-ლი ივნისიდან იუსტიციის სახლის თბილისის, ქუთაისისა და ბათუმის ფილიალები მომხმარებლებს 09:00-დან 00:00 საათამდე მოემსახურებიან. მოქალაქეებს საშუალება ექნებათ, იუსტიციის სახლის ყველა პროდუქტი, მათ შორის, სერვისები დაჩქარებული წესით, მათთვის მოსახერხებელ დროს მიიღონ

ყველა იუსტიციის სახლი და საზოგადოებრივი ცენტრი ხვალიდან იხსნება ვიზიტის წინასწარი დაჯავშნის პრინციპით

Monday, 04 May 2020

იუსტიციის სახლები და საზოგადოებრივი ცენტრები ხვალიდან გაიხსნება და იმუშავებს ახალი პრინციპით: დაინტერესებული პირი შენობაში შესვლას და სერვისის მიღებას მისთვის სასურველ დღესა და დროს შეძლებს, თუკი ვიზიტს my.gov.ge-ის პორტალზე დაჯავშნის. ფილიალებში სერვისების მისაღებად საჭირო დაჯავშნის ელექტრონული სისტემა ამოქმედდა, რის შედეგადაც, გარდა საკარანტინე ზონებში მდებარე ფილიალებისა, იუსტიციის სახლისა და საზოგადოებრივი ცენტრების ყველა ფილიალი გაიხსნა.

იუსტიციის სახლმა პროექტის - „გაუმჯობესებული სერვისები ყველასათვის - მეორე ეტაპი“ შუალედური ანგარიში დისტანციური რეჟიმის პირობებში წარადგინა

Thursday, 16 April 2020

იუსტიციის სახლმა პროექტის - „გაუმჯობესებული სერვისები ყველასათვის - II ეტაპი“ შუალედური ანგარიში მასში ჩართულ ყველა მხარეს წარუდგინა. პროექტის უმთავრეს ამოცანას, ყველასათვის თანაბრად ხელმისაწვდომი, გაუმჯობესებული სერვისების მიწოდების უზრუნველყოფა წარმოადგენს. იუსტიციის სახლი მკაცრად იცავს მსოფლიო ჯანდაცვის ორგანიზაციისა და საქართველოს ჯანდაცვის სამინისტროს რეკომენდაციებს, უფრთხილდება მომხმარებლის, მათ შორის შეზღუდული შესაძლებლობებისა და ფსიქოსოციალური საჭიროების მქონე პირების უფლებებს და პროექტის - „გაუმჯობესებული სერვისები ყველასათვის - მეორე ეტაპის“ მიმდინარეობას კვლავ აქტიურად განაგრძობს

ახალი კორონავირუსის გავრცელების პრევენციის მიზნით დღეიდან იუსტიციის სახლის კიდევ 3 ფილიალსა და 3 საზოგადოებრივ ცენტრში სამუშაო პროცესი დროებით შეჩერდა

Wednesday, 25 March 2020

იუსტიციის სახლის ლაგოდეხის, მესტიის, თიანეთის ფილიალები დღეიდან სამუშაო პროცესს დროებით აჩერებს. ასევე დროებით არ იმუშავებს თეთრიწყაროს, მანგლისის, კოდას საზოგადოებრივი ცენტრებიც. ფილიალების დაკეტვის გადაწყვეტილება სერვისის მისაღებად მისული თვითიზოლაციის დამრღვევი პირების ვიზიტების გახშირებული ფაქტებითაა განპირობებული

ახალი კორონავირუსის გავრცელების პრევენციის მიზნით იუსტიციის სახლის 7 ფილიალსა და 20 საზოგადოებრივ ცენტრში სამუშაო პროცესი დროებით შეჩერებულია

Wednesday, 25 March 2020

იუსტიციის სახლის გურჯაანის, ახალქალაქის, ყაზბეგის, ბათუმისა და რუსთავის ფილიალში სამუშაო პროცესი დროებით შეჩერებულია. ასევე დროებით არ იმუშავებს შაშიანის, კაჭრეთის, უდაბნოს, სართიჭალის, მარტყოფის, იორმუღანლოს, კაბალის, ყაჩაღანის, ფოკას, ჩაქვის, ვალეს, ბარალეთის, კუმურდოს, წალკას, აწყურის, დმანისის, ადიგენის, სადახლოსა და კაზრეთის საზოგადოებრივი ცენტრებიც. რაც შეეხება გლდანის საზოგადოებრივ ცენტრს, მან მუშობა მიმდინარე წლის 16 მარტიდან შეწყვიტა

თელავის იუსტიციის სახლის ფილიალმა სამუშაო პროცესი განაახლა

Thursday, 19 March 2020

თელავის იუსტიციის სახლის ფილიალმა სამუშაო პროცესი დღეს 09:00 განაახლა. თვითიზოლაციის წესების დარღვევის ფაქტის გამოვლენის გამო, თელავის იუსტიციის სახლის ფილიალში სამუშაო პროცესი 17-18 მარტს, დეზინფექციის ჩატარების მიზნით დროებით იყო შეჩერებული.

იუსტიციის სახლის თელავის ფილიალი 2 დღით დაიკეტა

Tuesday, 17 March 2020

თვითიზოლაციის წესების დარღვევის ორი ფაქტის გამოვლენის გამო, იუსტიციის სახლის თელავის ფილიალში სამუშაო პროცესი 17 და 18 მარტს, 2 დღით შერჩერებულია. იუსტიციის სახლში, თვითიზოლაციის წესების დარღვევით, გუშინ 16 მარტს ორი მოქალაქე გამოცხადდა სერვისის მისაღებად. მოქალაქეები, რომლებმაც თვითიზოლაციის წესი დაარღვიეს, პოლიციის თანამშრომლებმა საკარანტინო ზონაში იძულებით გადაიყვანეს

იუსტიციის სახლის ფილიალებში, საზოგადოებრივ ცენტრებში, სახელმწიფო სერვისების განვითარების სააგენტოსა და საჯარო რეესტრის მომსახურების სივრცეებში მოქალაქეთა დაშვება მკაცრად შეიზღუდა

Tuesday, 17 March 2020

ახალი კორონავირუსის შესაძლო გავრცელების პრევენციისა და მომსახურების დარბაზებში ხალხმრავლობის განტვირთვის მიზნით, იუსტიციის სახლის ყველა ფილიალში, საზოგადოებრივ ცენტრებსა და სახელმწიფო სერვისების განვითარების სააგენტოს ტერიტორიულ სამსახურებში, მოქალაქეთა დაშვება მკაცრად შეიზღუდა. სივრცეებში არ დაიშვებიან, როგორც მომსახურების მისაღებად მოსული მოქალაქეების თანმხლები პირები, ასევე ის მომხმარებლები, რომლებიც ბავშვებთან ერთად გამოცხადდებიან